南汇水蜜桃个前世今生

摘要： 南汇水蜜桃个前世今生原创王建运海上梦叠作者：王建运沪语改写：冯济民诵读：田耘。文字修正：丁迪蒙编辑：王乙其又到吃桃子季节，上海人品尝桃子独独青睐本地个“南汇水蜜桃”。迭种水蜜桃勿仅果实大，皮呈奶白色、纤维细少，香鲜味浓，而且皮薄肉厚、进口蜜甜多汁，勿愧为我...

南汇水蜜桃个前世今生

原创王建运海上梦叠

作者：王建运

沪语改写：冯济民

诵读：田耘。

文字修正：丁迪蒙

编辑：王乙其

又到吃桃子季节，上海人品尝桃子独独青睐本地个“南汇水蜜桃”。迭种水蜜桃勿仅果实大，皮呈奶白色、纤维细少，香鲜味浓，而且皮薄肉厚、进口蜜甜多汁，勿愧为我国桃子中难得个极品，勒我国各类水果尤其是桃类评选中屡屡折桂。比方2019年入选中国农业品牌目录，国家质检总局批准对伊实施地理标志产品保护。我国是桃子个故乡，至今已有3000多年个栽培历史。近代中国考古曾勒浙江河姆渡新石器时代遗址中，发现过六七千年前个野生桃核。全球桃子个品种有3000多种，我国就占1／4以上。勒我国传统文化中常用“五”来概括有关物质，比方五果、五谷、五畜、五音、五味…… 其中五果就是指桃、李、杏、梨、枣，桃列五果之首，可见人们对桃子个重视。所以，讲南汇水蜜桃个前世今生，伊个根勒中国很重要。上海地处长江三角洲东南端，属北亚热带季风气候，四季分明，日照充分，雨量充沛，气候温和而湿润，年平均气温勒16℃左右，加上土壤肥沃，十分有利于桃树个生长。实际浪，勒上海各历史时期，种植果树类作物就以桃最多。近代曾以龙华地区产个水蜜桃最有名，伊种植区域集中于龙华及小木桥一带，所以以“龙华水蜜桃”而得名。假使再往上追溯历史，龙华水蜜桃个前身却是上海水蜜桃。据明熹宗天启元年(1621)王象晋所著《群芳谱》称：水蜜桃，独上海有之，而顾尚宝西园（即顾氏露香园，今露香园路一带）所出尤佳。到了清初，顾氏衰弱，露香园“台榭渐倾，园林亦废”，但水蜜桃品种并呒没失传，经过多次迁移，勿断改良，孕育出果实更为优良个“龙华水蜜桃”。进入民国后，因城市个扩大搭经济建设发展，街道马路拓展，新盖工厂越来越多，龙华地区又因建飞机场或拨当局新建为军事区域，大片桃园一眼一眼废毀，种桃人遂渐西移到郊区长桥附近，占地范围勿下数十里，以唐巷、陆家塘两个地方最集中。除龙华水蜜桃外，上世纪四十年代有人又引进蟠桃勒申城栽培成功，因名著《西游记》中有玉皇大帝种植“三千年、六千年乃至九千年蟠桃，吃了与天地齐寿，日月同庚”个传说，使蟠桃一时畅销沪浪，大有反客为主之势，龙华水蜜桃就一度失去了勒沪浪独坐头把交椅个地位。此外，上海郊区还种植勿少外地桃种，比方余姚玉露桃、南京桃等，原产本地个桃子还有毛桃、五月桃、李光桃、黄桃、墨桃等等，但可惜品质侪勿佳，品相吃口搭上者相比，明显差一大截。由此而讲，南汇水蜜桃是从各种桃子品种中，经几代人改良优选后脱颖而出，逐步占居了现在个地位。讲辰光迄今也只有70年左右。而勒此前，上海人吃水蜜桃曾首选产于无锡阳山镇个“阳山水蜜桃”，假使今后南汇水蜜桃搭伊相比，鲜美甜润程度已大大超过了前者。后来者居上，勿能勿讲是物竞天择个结果。再优秀品种假使勿思进化、勿作改良，终归会得落伍。南汇地处上海市东南部，东临东海，南依钱塘江，北靠长江，属亚热带北缘，东亚季风气候，四季分明，雨量、光照搭气候三要素，与年际变化分布基本一致，土壤又以黄泥搭粉黄泥土质为主，透气性好，非常适宜水蜜桃个生长。此外，南汇土壤偏碱性，有利于果实养份个积累，具有种植优质优品水蜜桃个独特条件。正是迭特定个一方水土搭悠久个栽培历史，聪颖勤劳个上海农艺师最终拿“南汇水蜜桃”培育成了一个勿可多得个国优名果。

相关推荐